Xan Iyo Ceeb Yay Ku Raacin (hees)

Xareedda lagu ma wacnaado

Abaartana lama xumaado

Adduun xunba maaha gurayee

Hadduu kuu xeel furnaado

Xogtiisana ruux ku siiyo

Xusuusta lagama gooyee

Xaggaaga markaan u liicay

Inaad xaska iiga baydhaa

Xeerkiisa jaceylka maahee

Xan iyo ceeb yay ku raacin

Adduun waa xeerba xeeroo

Sidii weeye xabag cadaadoo

Xil bay ari-jiri wadaagtaa

Innagoo xidid iyo gun buuroo

Amase laamaha xubnaha oo

Xumaan haygu falin waxyeellee

Xaggaaga markaan u ciiray
Inaad xaska iiga baydhaa
Xeerkiisa jacaylka maahee
Xan iyo ceeb yay ku raacin

Sidii faras xamaroo is xooday
Amase geenyo xariiroo la taagay
Xiddiyo shaal lagu hagoogay

Hadday xarragadu ku qaaddo
Xidigaha cirkaa ku geyso
Wuxuun baa la xeeriyaaye

Xaggaaga markan u ciiray
Inaad xaska iiga baydhaa
Xeerkiisa jacaylka maahee
Xan iyo ceebi yay ku raacin