Guur Maxaan Ka Yeelnaa (hees)

Waa gelin dambeetiyo
Goortii la sheegoo
Waa duni gabowdoo 
Sii gabaabsinaysee
Labadii is guursada
Qofba gaar ahaan buu
Gooni u taagan yahoo

Gacan midigba bidixdaa
Hawsha ugu garbaysoo
Mar haddayna wax wada goyn
Midna meel ma gaadhoo
Qofna gaar ahaan iyo
Gooni u ma naaxoo
Guri laga ma maarmee
Guur maxaan ka yeelnaa?

Kolleey gaafka maanta
Genbi ka cabso mooyee
Maxaad garatay oday iyo
Ma jiraan garawshee
Guur maxaan ka yeelnaa?

Geel kuu irmaan iyo
La ma guriyo naasoo
Qofkii adiga kuu go'a
Gudin loo ma qaatoo
Golahaad ku hoyatiyo
La ma gubo harkaagoo
Dabaylahakan guuxiyo
Hadal lala ma guuree

Gacan midigba bidixdaa
Hawsha ugu garbaysoo
Mar haddayna wax wada goyn
Midna meel ma gaadhoo
Qofna gaar ahaan iyo
Gooni u ma naaxoo
Guri laga ma maarmee
Guur maxaan ka yeelnaa?

Kolleey gaafka maanta
Genbi ka cabso mooyee
Maxaad garatay oday iyo
Ma jiraan garawshee
Guur maxaan ka yeelnaa?

Guul iyo ayaan waa
Gaari iyo ninkeedoon
Gaajada adduunyada
Midna looga gaar dhigine
Gole lagu hurdaa iyo
Waa geedo miro loo
Gomosh kuu macaan iyo
Laga guranin Maqashtee

Gacan midigba bidixdaa
Hawsha ugu garbaysoo
Mar haddayna wax wada goyn
Midna meel ma gaadhoo
Qofna gaar ahaan iyo
Gooni u ma naaxoo
Guri laga ma maarmee
Guur maxaan ka yeelnaa?

Kolleey gaafka maanta
Genbi ka cabso mooyee
Maxaad garatay oday iyo
Ma jiraan garawshee 
Guur maxaan ka yeelnaa?