Geedkii macluum ah bir, waa laga la maagtaaye
Niman magacyo weyn baan nahoo, lagu murweeyaaye
Makaab iyo makaab inaannu nahay, maalka nagu siiya
Lo'da misaggada la siinaayoo, lagu muraaddaysan
Malag loo dhintay leedahee, maalka nagu siiya
Mataan iyo haddaan Maxammad-Deer, meel wax ugu sheego
Ma'wigii Illaawe iyo haddaan, Cali u maan geysto
Ilmo adeer mudan baa jiree, maalka nagu siiya
Xididkaa markab ah oo murti leh, waa la mahadshaaye
Haddaan Yuusuf Cali mood iraah, ama meydal u geeyo
Isagaa ninkii magan galaa, mahad ka sheegtaaye
Madfac iyo dab baan heli karaa, maalka nagu siiya
Hadalkaas aan kuu mariyay, waa nabad macaankeede
Labadeenna meelood haddaan, kala muraad weyn0
Ninba dhalashadi inuu mintidi, maalka nagu siiya
No comments:
Post a Comment