Soo Hor Caashaqa (hees)

Wiilka:
Naftayda waan kuu huri laa
Hantina kaa bixin lahaa
Hagar kuu ma quureen
Halistaad i goysiyo
Halkaad igaga taallee
Hawo dhalisa caashaqa ee
Hiyigu raac
Hadba kaynta geerida ee
Ku hor timaadda

Ragga iyo haweenkuba
Midna haybad ma yeesheen
Kan kaloo la haynine
Hadhow bay oran 
Lay ma heesine
Lay la ma hadline
Doob hurday helay
Hoobeeyay soo 
Hor caashaqa
Aan hirgelinnee

Gabadha:
Dhankayga waan kaa hanan laa
Haween u roon kuu noqon laa
Hawo guur ma diideen
Haddaan hubo dhankaagee
Haddaad hagar baxaysee
Habeyn kaliya caashaquyee
Hayeh ku ma fulaayee
Horta baro

Ragga iyo haweenkuba
Waxay haybad ku yeeshaan
Habsanaanta guurkee
Meel la heloo
Aan horseed wadan
Loo ma haadshoo
Way hawirantaa
Hoobeeyay 
Haki caashaqa 
Yuu hallaabine

Wiilka: 
Jacaylka waan ku la habayn laa
Hiillaan kuu noqon lahaa
Hawl kugu ma dhaafeen
Adigoo harraad qaba
Habeyn kaa ma seexdeen
Hamakaynta caashaqa ee
Halacsiga,
Huqbaynta hibashada ee
Nabar horreeyay

Ragga iyo haweenkuba
Midna haybad ma yeesheen
Kan kaloo la haynine
Hadhow bay oran 
Lay ma heesine
Lay la ma hadline
Doob hurdaa i helay
Hoobeeyay soo 
Hor caashaqa
Aan hirgelinnee


Gabadha:
Hawd geedo laa
Lagu soo hirtaa
Hareer doog laa
La harsadaa
Haradoo biyowdaa
Dadku ka haqabeelaa
Kaliil beeshu hayaantee
Horaad jar uga tuurteen
Habloo ugu hoddeen
Hadimo iyo luggooyaad
Baddaan kaga hadhaan

Ragga iyo haweenkuba
Waxay haybad ku yeeshaan
Habsanaanta guurkee
Meel la heloo
Aan horseed wadan
Loom a haadshoo
Way hawirantaa
Hoobeeyay 
Haki caashaqa 
Yuu hallaabine