Heesaha Haanta iyo Kabadda

Hoobaalayoy heedhee
Haaneey Bullooy ii bax

Haantii qoryoy kala jab
Laba qaalin kula buubtay
Laba qaar laguu kala dhig
Geed dheer lagaa soo lul 
Geel-jire ku qooraansay

Awr fakatay baan doonay
Ari fiigay baan raadshay
Ma fayoobide ogiye
Ma furkaa lagaa nuugay

Dibigeenna ina Daalis
Waxa dabada loo gooyay
Waa subag daraaddiiye
Silicdooy sadkaa aaway?

Reeraha magaaleystay
Oo wada maro cad goostay
Waa subag daraaddiiye
Silicdooy sadkaa aaway?

Haantu iyadoo doora
Oo doobke labadii leh
Ayey doora doorowday
Saa waa diddoo carartay

*****************************
Xaabsatooy kabadeey
Xarig ma reebaay
Allow bilis xilkeed qariyey
Xaabadii tiil bay 
Iga xanbaartaaye
Allow bilis xilkeed qariyeey

Geedba geedka u dheer 
Laga garaacyey
Galool muray millaaxdiiseey
Geesi geel keeniyo
Gabadha diirtaa
Galool loogu daahaayey