War Dhafoor ku Yaalla (gabay..Ilmadow) Iyo Allow (Dablad Sagaara-Eri)

Allow yaa Cadaadiyo Gidheys, ku cimri dheeraada
Yaa ceelka Docolleey dega, Kax iyo Beer Caafi
Allow yaa cirraa igu habsataye, timo cad ii dhaafsha
Oo gabar cadrada ii dhisoo, iga coog coogin
Allow yaan cadaabka aan tagin, caanana aan waayin
                   Dablad Sagaara-Eri

Guri-jeexyadii tagay haddaan, waagii hore raaco
Oo aanan walaalahay ka harin, wax ima gaareene
Waqtigaan lahaa wuxuu ku lumay, geedo sare waabe

Aniga iyo waraabaha ma jiro, wax u dhexeeyaaye
Waddo aan ceel ba tagin baan ku dhacay, waayihii hore e
Jabhaddii Wardheer baan ahoo, weerarka caddayde
Iyagaan wax loo qaban dalkana, waardiyayn jiraye

Waxa wada hadlayaa waa, tobanka waaweyne
Aniga iyo waalkay ma jiro, axad waraystaaye

Mar haddaan ri' waaxyeynayoo, dhari walaaqaayo
Ee aanan shir-weynaha tagayn, wadarta loo joogo
Su'aal kuma wanaagsana wajiga, waxa ka muuqdaaye
War dhafoor ka yaalla yaan cidina, wax iga weyddiine
                                  Ilmadow