Shib-la' geedihii urur
Golihii la wada yimid
Gar cadaawe oo taal
Godobtana ninkii galay
Guudkiisa laga dhigay
Guushiina laga helay
Sii gocoshada xunee
Adigoo gashaantiya
gu'na jiray shaniyo toban
Geyigoon rag ka idlaan
Guul-la'aan nin bariyoo
Geddiise weeyee
La gurguuro caashaqa
Adigaa galgaalkiyo
Gooshii aan wali dhalin
Garab-weynta ugubka
Garoob taan irmaanayn
Gorofka ugu heesee
Waa adigaan niyadda guran
Rabbina kugu gabbaanaday
Guubaabinaayee
Godoshaye u yeer yeer
Gaaxdana aad maashide
Bal waxaad ka guratiyo
Gamashida aan aragnee
Geddiisa weeyee
La gurguuro caashaqa
No comments:
Post a Comment