Dakanahay Ma Dhaafee

DAKANAHAY MA DHAAFEE

Doqonkii habaabee

Caqligiisu daahnaa

Daandaami jirayee

Dawarsiga badnaayee

Beenlowgii daarnaa

Deelqaafkiisii baa

Kugu duxay mallaallow

Kaa dagay majaafow

Waa adigii dareershee

Ciyaallada u duubee

Meel walbaba ku daadshee

Dhalashaday duraayee

Aflagaaddo daabacay

Aan kuu dabeebshoo

Dalqadaada saxo e

Diricii Dhegolaabee
Deebaaniga ahaa
Daahigii Dhoorre iyo

Waliyada dawaafiyo

Culimmada digriyaysee

Diiwaankii nabigii

Deegtooda saaree

U duceeya uunkaba

Dunjigoodii baan ahay

Waxaan ahay mid daahira

Kibirkana ku dookhoo

Waxaan doono mooyee

Layma duufsan karayoo

Dacay layma suri karo

Waxaan ahay mid deeqtoon

Adna Daaman-Baqallow

Waxaad tahay dayuuskii

Waxaad tahay dullaalkii

Dagi jiray haweenkoo

Siqiirkana aan dayneyn

Habartii duqowdaba

Caarkiisa darayee

Dadkoo dhami ha wariyeen

Diin-laawihiiyow

Doofaaar-qalkiiyow

Isku daabac maahine

Reerahaannu darisnoo

Waa hore duddeynnaa

Doolkoodii noo yimid

Waa adigii dambaaboo

Deyn waayay xumahee

Dakanahay ma dhaafee

Mid kalaan ku darayaa

Waa kaaga sii dari

Dalaw kaala sii dhici....

Erayda;
1- Mallaal: kaaliyaha dullaalka.
2- Majaaf: aan ahayn nin hore; dambeeye.
3- Dabeeb: hadal baaxad leh ama toox leh; dood.
4- Dux; dufan.
4- Deeg: garbaha; dusha.
5- Deeqtoon: aan cidna u baahnayn; iskufilan.
6- Dunji: dhammays; dhan.
7- Duddo: qoysas wada yaal; deris.
8- Dakano: aar; asaaye; utun; godob.