- Toddobaatan iyo toban miyaan, tiriyay waageyga
- Sida wiil tarrada ceel marshay oo, timaha deebeeyay
- Tin madow miyaan laga dayeyn, aniga tuurkayga
- Ma tallaabadaan la qarqaroo, tiigsin luga mooday
- Maw tukubay sidii habar tu kale, tuugmo ugu jeedda
- Bowdada miyaan tuujiyay iyo, araxda tiirkeeda
- Taf-madow haddaan qaadan jiray, maro tilmaan dheer le
- Tartarrada miyaan qeyd ku xidhay, taako labadeeda
- Barkin luqunta kuma tiirsho iyo, tolone baarkiise
- Ma dhagtaan tagoogada gashaday, sidii aniga oo tuuga
- Wax martidu tammadisaa ninkay, toos u hoyataaye
- Tuluggiis miyaan laygu arag, tuludi waa geele
- Naaguhu ninkaan tuujinhayn, waa timlahayaane
- Taf miyaanan rogi heyn sidii, cudurku ii taamay
- Torog maalintaan fuuli jiray, tahartu weynaatay
- Col tirtirihii anigaa lahaa, tabayo duullaane
- Guuraha anays taagi jiray, Idil tilmaanteede
- Haddaan weerarkeedii tognay oon, toon ka soo didinnay
- Iba-toosan leeyeey hadday, na hor tislaynaysay
- Tog biyo le haddaan keennay oon, koron ku taysaynnay
- Sidaan wax u tabayn jiray miyaan, taabi kari waayay
- Allahayoow tahliishii jannaan, adiga kaa tuugay
Aden-Gurey Maxammad Cabdille
***************************************** - Waxaan khayli dhuugyaha madow iyo, dheeg wiyila qaatay
- Ee dhalanka aadmigu u baxo, sidatan lay dhawray
- kolkii horaba dhererkii miyaa, dhabarku soo gaabtay
- Ma ka dhaxay dhawaaq uubatiyo, dheelmitaan gibina
- Dhabbe reero guureen miyaa, laygu wada dhaafay
- Ushaan dhaabbin mooyee hubkii, mayska wada dhiibay
- Raggaan dhalay ragguu dhalay miyaa, dhamamax ii diiday
- Kuwii aniga ii dhaxay miyaa, dhimasahaday dooni
- Dhuuniga i siiyaay miyaan, sidii dhallaan ooyay
- Waxaan dhawrsanaan jiray ceeb miyaa, igu dharaarowday?
