Waa Qaali Noloshuye (hees)

Gabadha:
Waa qaali malabkuye
Qiimaha la siistiyo
Inta xiiso loo qabo
Haddii aan qaraar jirin
Miyaad qiri lahaydeen
Waa qodob su'aaloo
Qof waliba sida tahay
Haw qaato leeyee
Qawadaa-yow
Marka qeyrkaa
Qoorta xiiraba
Adna qoyso..

Wiilka:
Waa qaali nabadduye
Nin qummaati ugu laday
Qushigii u meelmaray
Idinkuba qiyaasoo
Haddii aan qallooc jirin
Miyaad qiri lahaydeen?
Waa qodob su'aaloo
Qof waliba siday tahay
Haw qaato leeyee

Nin qab weyn iyo
Nimaanba u qabin
Is qaniinaye
Ha is qaddariyeen

Gabadha:
Waa qaali caashaqa
Qalbigaaga joogee
Qays lagu xusuustee
Indinkuba qiyaasoo
Haddaan qaar u go'ay jirin
Miyaad qiri lahaydeen
Waa qodob su'aaloo
Qof waliba siday tahay
Haw qaato leeyee

Kan qoslaayiyo
kan ku qoonsaday
Is qardoofee
Ha is qaateen leeyee

Wiilka:
Waa qaali noloshuye
Qalinkiyo tacliintuye
Ninka qoray juqraafiga
Idinkuba qiyaasoo
Haddaan qiil-yaruhu jirin
Miyaad qiri lahaydeen
Waa qodob su'aaloo
Qof waliba siday tahay
Haw qaato leeyee

Ninka quud jecel
Kaan u quurayn
Ha la qaybsado leeyee