Miyaan Dibad Ka Hoydaa (hees)

Dad haddaad is qabataan 
Illeyn waad la dooddaa 
Dugaaggoo ku weerara 
Yur baa lagu dabbaalaa 
Duufaanka xoogga le 
Waa laga ducaystaa 
Shay kastoo nafta u daran 
Wax baa lagu la daalaa 
Belo waxa u digo kulul 
Damci-xume jacaylkaa 
Daandaansi badanaa 
Waa diradiraalee 
Ninkuu maalintaa dago 
Ama uu la helo dabar 
Ayaa diifta abadkii 
Dusha aad ka garataa 
Darane inuu helay 
Uu dakharro kaga tagay 

Anna doorkan waayuhu 
Daraygiisa may suray 
Midaan digigixoonayn 
Naftu may dulgaysaa  
Oo may isku duubtaa
Iyana maygu digataa 
Inaan doono mooyee 
Miyaan dibad ka hoydaa? 

Dab ku hura jalleecada 
Oo ka beerma daymada 
Dunqulaasho shayddaan 
Deddo iyo xanuun iyo 
Dabkay huriso barashadu 
Inuu cudur da' weyn yahay 
Ninkuu helo dawoobayn 
Wuxuu yahay daliilkii 
Intuu hore u dabar jaray; 
Duqii Qays ahaa kow 
Ku daroo Cilmina Labo 
Afartuu deldelay iyo 
Ma Ceeblaan dib loo arag 
dubkii Layla kala jaray 
Intuu daarta aakhiro 
Ku daboolay caashaqu 
Hodan haw danbaysee 
Ma cid bay ka dedan tahay 

Anna doorkan waayuhu 
Daraygiisa may Suray 
Midaan digigixoonayn 
Naftu may dulgeysaa 
Oo may isku duubtaa
Iyana maygu digataa 
Inaan doono mooyee 
Miyaan dibad ka hoydaa?