Ku Googooyay Gablada (hees)

Hoobeey hiddiyo dhaqanku
Waa hubintideenniiye
Adiguna hablaha manta
Waad ugu horreysaaye
Halbowlaha wadnaha iyo
Boggaad Deeqa huruddaaye
Halse iga dardaarana
Ayaan kugu hollinayaye

Ogoow gacmahaan is haysan
Ogoow isu hiillin waayay
Ogoow guul ma haybsadaane
Ku googooyay Gablada
Ku gooyoo gam uga sii

Hoobeey waxaa lagu hirtaa
Haybta aad tahaye
Hoobeey hummaagga iyo
Larkani way ku hodayaane
Ciiddiyo dhulkii hooyo
Waa la ma huraantiiye
Cindigiyo laabteenna
Waa inaan ku haynnaaye

Ogoow gacmahaan is haysan
Ogoow isu hiillin waayay
Ogoow guul ma haybsadaane
Ku googooyay Gablada
Ku gooyoo gam uga sii