Gaal Maxasta Kuu Nabadgashoo Magansataa Dhaama "Bariir"

Gaal Maxasta Kuu Nabadgashoo, Maganstaa Dhaama                                  (Maxamuud Axmad Cali "Bariir") Badda mootan meydkii Fircoon, baa la moosiyaye Sir mitaminiyo meeqaanba way, kala masoobaane Kolkii ay majaro leexatee,  xaajo marin dhaafto Murti qodob ku miisaaman baa, muranka noo dhaanta Madi cararta maqasheeda-koris, minow san baa dhaanta Marwo hadal xun maangaab ninkeed, maqasha baa dhaanta Magoog been ah talo muuqatoo, marag leh baa dhaanta Hal miirshaw leh maya oo tidhaa, milow horaa dhaanta Mayey aafo miidhan ah abaar, mudhuxsan baa dhaanta Haddaan xididku maamuus lahayn, ma lihi baa dhaanta Mirta weerar dirir maalinoo, rag is madhshaa dhaantaa Mataan midiq ah laas miir ah baa, kuu mitabis dhaama Boqorkii mallay dabi midgaan, xadhig martaa dhaama Masjidkii cibaadada ka madhan, lama mudaa dhaanta Mufti nacab ah Aw kula masoo, macallinaa dhaama Walaalkaan mushaawiro lahayn, maqanahaa dhaama Malab sun ah mariid laga kacaa, muudsashada dhaama Muslinimo nimaan kugu dhaqayn, mu'minimo khaas ah Gaal maxasta kuu nabadgashood, magansataa dhaama