U Hub Qaad Meel Kale (hees)

Wiilka:
Qalbigaaga hoo i yiri
Kaygana ka soo helay
Hoodadii kalgacalkee
Hamuuntiisa waxaan qabay
Biliyo habeynnee
Hurdi waayay awgaa
Halistiinii gaaree
Ma harsado daraaddaa
Dhuunigiina hiifee

Adna ha i hungeynoo
Ha ii heerin nacabkoo
Walaal ha iga hoos gelin
Hog-galihii jacaylkee
Hab ku soo dheh caashaqa

Gabadha:
Qalbigaaga hiif yiri
Kaygana ka soo helay
Hebad yahow xumaantee
Hubsiinuu hal siistaa
Nin ragihi habeyn yahow
Hubuq tiri dalluun dheer
Adigoo hadraayee
Hilbahaaga ha u dudin
Ha u haliilin cunistood
La halaanhal qayrkaa
Haween waayi mayside

Hor u soco nasiibkaa
Geyaankaaga waad heliye
U hub qaado meel kale

Wiilka:
Halis weeyo caashaqu
Hooto waa ka daran yahay
Hadalna kaama yeeloo
Waa kii halyeeyadii jaray
Hodan iyo Cilmi dilay
Hillin waa halbawlahu
Iga habaya dhiiggoo 
Haamaha wadnihiyo
Gaarsiinin hanaqee


Adna ha i hungeynoo
Ha ii heerin nacabkoo
Walaal ha iga hoos gelin
Hog-galihii jacaylkee
Hab ku soo dheh caashaqa


Gabadha:
Hadimadii jacaylku
Haddii ay ku hayso
Kaaga hiillin maayee
Hataq isku tuurine
Ha ku dhici haadaantee
Hindisaha ka saaroo
Ha i hawaysan anigee
Haabashada tartiibsoo
Heddadana ha goynoo
Ha is jarin halbawlahee
Hareer iiga leexoo


Hor u soco nasiibkaa
Geyaankaaga waad heliye
U hub qaad meel kale