Ma Ogiye Jacayl Waa Maxay? (hees)

Mid uun baan qalbiga 
Ka maqnaaninoo
Ku dhex maaxatee
Markii aan arkana
Meel uun bay go'dee

Ma ogiye Jacayl waa maxay?
Waa macaan ama waa kharaar
Kolba waa siduu kuu soo maree

Waa magaca cudur 
Midka ugu xumee
Dadku moog yahee
Ma moodeyn sidaane
Bal maleeya oo 
Maxaa lagu daweeyaa?

Midab lagu gartiyo
Waxaan muuq lahayn
Ayuun bay mirtee
Muran iyo gar baan
Mududuul cidla'a
Isku muruxsannee

Ma ogiye Jacayl waa maxay?
Waa macaan ama waa kharaar
Kolba waa siduu kuu soo maree

Waa magaca cudur 
Midka ugu xumee
Dadku moog yahee
Ma moodeyn sidaane
Bal maleeya oo 
Maxaa lagu daweeyaa?

Ma-hadhada iyo dhibtiyo
Murugadaan qabo
Dadku ii malee 
Inaan ahay maraan
Lagu maadsadee


Ma ogiye Jacayl waa maxay?
Waa macaan ama waa kharaar
Kolba waa siduu kuu soo maree

Waa magaca cudur 
Midka ugu xumee
Dadku moog yahee
Ma moodeyn sidaane
Bal maleeya oo 
Maxaa lagu daweeyaa?