Heesaha Wardheer (hees)

Hoodo iyo ayaan baa
Lagu kala horreeyaa
Hanti nimaan lahayn baa
Gabar lagu haweeyaa
Waligii hagoogtee
Hammi lagu yaqaannaa
Hogashada ma moodee
Sidii baan harraadkiyo
U qabaa hamuuntee
Hammo ii luraysaa
Riyo ii hor socotaa
Sidii baa haddaydiyo
Wadku ii higsanayaa
Misna heeryo diidoo
Ma oggoli hoggaankee

Ma og tahay habeynkii
Hurdo ima kaxaysoo
Hadal uma dheg taagoo
Heesaha Wardheer baan 
Ku habaa naftaydoo
Indhawayd hortaydaa
Dadku igaga hoydaa

Hoogtooy adduunyooy
Hoosiiska meeraay
Harka labadiisa geliniyo
Mugdi lagu hallaabaay
Balli lagu hungoobaay
Hayin laguma guuraay
Garta hoos ka siiyaay
Halaq iyo abeesaay
Ninka raga ka hiishaay
Doqonkana hullaabtaay
Inta hebel la waayaan
Haystaa warkoodoo
Ma og tahay haweenkii
Hadalkoodba daayoo


Ma og tahay habeynkii
Hurdo ima kaxaysoo
Hadal uma dheg taagoo
Heesaha Wardheer baan 
Ku habaa naftaydoo
Indhawayd hortaydaa
Dadku igaga hoydaa