Jafkii Dhudub iyo Afcad (tix)

Waad taad jafkii Dhudub dhigteen, jawharaddaydiiye
Anoo jooga baad hooyaday, jabay ka siiseene
Nin walaalki haad loo jarjaray, looma jiifsade

Waxaad jiica Farogoo u timid, hooy wax baa jiro e
Jirrid weynahaygaas haddaan, jiriyo ruuxaaga
Jeeskayga oo meel fadhiya, lama jiteeyeene

Geelayga Jaawo iyo Idiin, Jiib ma bixiyeene
Ninna ima jajuubeen haddaan, ruuxa kaa jaro e
Inta kale jarkoodii waa tihiyo, jalanqahoodiiye

Waxse aan kaa jeclaa Dhoorrihii, jeenyaha dhuubnaaye
Waxaan se kaaga joogsaday waa, magan jalleeceede
Iga jeenso Xuseenow nin soo, jiitay baad tahaye!

Tixraac:
Axmad Faarax Cali (Idaajaa)