Doqoneey Dabkaa Ba'

Illeyn doqoni

Deyr ka ma kacdee
Daamankay meermisaa
Docday kaa jirtaa bay
Dhaxani kaa dishaaye
Ma diirsado walaalkeed
Intay dunida joogtee
Doqoneey dabkaa ba'

Da'deedoo hawl
U darbban bay huruddaa

Hoygeeda oo aan diidin

Bay daayacdaa
Dawarsi iyo tuugsashay
Ka doorataaye ma dad baa?
Doqoneey dabkaa ba'


Illeyn doqoni
Dayr ka ma kacdee
Daamankay meermeerisaa
Ruux daga ma weydee
Dabin ka ma fogaatee
Markay galaq tiraahday

Ilmada daadisaaye

Doqoneey dabkaa ba'


Xarigga labo dibleynayay soohataa
Dabarka lagu xirahayaa loo diraa
Daleedahay sidaa
Ka doorataaye ma dad baa?

Ma taqaanno dawgoo
Dabool baa ka saarane
Dareen ma laha garan kara
Arrimaha danteedee
Doqoneey dabkaa ba'!


Tacliinta oo loo dareeray
Bay dacal martaa
Daruustoo la qaadan sahashataa
Jaahilnimay ku daa'intaaye, ma dad baa?
Doqoneey doqoneey dabkaa ba’!