Hawadaan Ka Nuugaa (hees)

HAWADAAN KA NUUGAA

Halka uu ka nuuxsado
Haddii nabar ka soo baxo
Dadku wuu nuglaadaa
Naxdinta iyo jacaylkuna
Markay kugu nagaadaan
Naafaad la noqotaa
Anna dhego nuglaantaa
Intaan naawilaayaan
Aduunyadii ka noogee
Sida neefta weylaha
Neecawda caashaqa
Hawadaan ka nuugaa

Naqa guga nimcada taal
Naylo-doojiyaha da'ay
Dadku ay ku naaxaan
Ma nastoo aniguna orod
Neeftuurka xuurtada
Kaa daba nucleeyee
Ma naxaan jacaylkuna
Siduu iigu dul naban yahay
Nasiinaba ka waayee
Sida neefta waylaha
Neecawda caashaqa
Hawadaan ka nuugaa 
Midhihii Abdulkadir Xirsi Yamyam
Laxankii iyo codkii Ahmed C Cigaal