Joog iyo Hurdaba Nacay (hees)

Adaa i jabiyay goortaad
Jeegaanta fuushoo
Jibaadkiyo taahana
Markaasaannu jaarnee
Sidaa u ma jalaadeen
Haddaan nabad u jiifee

Joog iyo fadhiba nacay
Halkaan maanta joogee

Sida jiniqda hawdkoo
Jirku uu biyaha dhigay
Oy xareeddu jabadkiyo
Galac leeday jeexyada
Jeedaalis bay dilay
La-jalbeebtan-keedee

Joog iyo fadhiba nacay
Halkaan maanta joogee

Jaceyl maaha dheeldheel
Haddaad jimicsi mooddeen
Jalleecadiyo muuqaa
Jaahaaga deeqee
Sida jawharad nuurkeed
Halacsigaa i jiitee

Joog iyo hurdaba nacay
Halkaan maanta joogee